Wednesday, April 4, 2012

ஐபிஎல் 2012 - துளிகள்..1 / ஏப்ரல் 4 !

எங்கள் கொங்குச்சீமையில் ஒரு சொலவடை உண்டு!
"முண்டச்சி பெத்த புள்ளையானாலும் சாங்கியம் செஞ்சுத்தான் ஆகணும்"!

உலகமெங்கும் போய் உதை வாங்கிட்டு வந்து மானமருவாத எல்லாம் கெட்டு,
திண்ணைல படுத்துக் கிடந்த வீரனுங்க, திருவிழாவுக்கு மேக்கப் போட்டுட்டு கிளம்பிட்டாணுவ!

வெயிலு வேற பட்டயக் கிளப்புது! பசங்களுக்கும் லீவு வுட்டாச்சு!நமக்கும் பொழுது போவனுமுல்ல..! சரி சரி ...அவனுக தோத்ததை எத்தன நாளைக்குத்தான் பேசறது!கோழி குருடா இருந்தாலும்..கதையா, இந்த கோமாளி ஆட்டத்தைப் பாக்க எல்லாரும் ரெடியாயிட்டங்க! 

பாவம்.. பத்து எழுதுறவங்க!  
சமச்சீர் கிறுக்குத்தனத்துல சிக்கி மண்ட காஞ்சிட்டு பரிச்சைக்கு படிக்கிறாங்க..!
நாம அவங்களுக்கு தொந்தரவு கொடுக்காம பக்குவமா நடந்துக்கணும்!

ஏப்ரல்   4 - சென்னை - மும்பை !


* இந்த வருஷம் நாக் அவுட் போட்டிகள்ல, வர்ற வருமானத்த 185 ஆட்டக்காரருக்கு பிரிச்சி கொடுக்கப் போறாங்களாம்! நல்ல காரியம்! நடக்கட்டும்!

* 45 பந்துல 13 சிக்சர் அடிச்சு தென்ஆப்ரிக்க வீரர் ரிச்சர்ட் லேவி, மும்பைக்கு விளையாடுகிறார்!





* ஆஸ்திரேலிய குழுத்தலைவர் மைக்கேல் கிளார்க், புனா அணியில்!


* வேகப்பந்து விச்சாளர் மிட்சல் ஜான்சன் மும்பை அணியில் இணைந்தார்!


* போர்க்குதிரை மேற்கிந்திய ஆண்ட்ரே  ரஸ்ஸல் டில்லியில்!


* சுழல் சுனில் நாரயன் கொல்கத்தாஅணியில்: நல்லவிலை கொடுத்துள்ளனர்!


*  சிங்கள சாண்டிமால் ராஜஸ்தான் அணியில்!

* சென்னை மைதான ஆடுகளம் மந்தமாகி வருகிறதாம்! ஓவருக்கு சராசரியாக 7 . 86   ஓட்டங்கள் தான வருகிறதாம்!

* சென்னையின் வீச்சு பலம், மும்பையை விட மிகவும் பின்தங்கி உள்ளது!

* சென்னையின் மட்டை பலமும்,மும்பையின் பலத்தை விட மட்டம்தான்!

* மும்பைக்கு வெற்றி வாய்ப்பு 55  சதம் இருக்குமாம்!


* அதிக விலை கொடுத்து ஒப்பந்தம் செய்யப்பட ஜடேஜா சொதப்புவதில் மன்னன் !
*  நம்ம அஸ்வினுக்கு மிகவும் பிடித்த உணவு "தயிர் சாதமாம்"! வெளிநாட்டு பிரயாணங்களின் போது, சிலசமயம் அவரே தயிர்சாதம் செய்வாராம்!


* மண்டை காய்ஞ்சு போன இந்திய ரசிகர்களை மகிழ்விக்க வந்த போட்டிஎன வர்ணனையாளர் கருத்து!


* டிக்கெட் கட்டணம் அதிகம் என்பதால் தொலைக்காட்சியில் பார்ப்பதே மேல்!


* டிக்கெட் விலை ரூ 1200 முதல் ரூ 8000  வரையாம்! அம்மாடியோவ்!


ஐபிஎல் 2012

புகைப்படம் : நன்றி..இந்திய கிரிக்கெட் வாரியம் வலைப்பக்கம்!

http://www.iplt20.com/ச்செடுலே

* மும்பை அணி டாஸில் வென்று சென்னை யை மட்டை வீச பணித்துள்ளது!


* தமிழ்நாடெங்கும் மின் தடையும், பற்றாக்குறையும் தலை விரித்து ஆடும்போது, இவ்வளவு விளக்குகளை எரிய விட்டுக் கூத்தடிப்பது அராஜகமாகத் தோன்றினாலும், அந்த எரிச்சலை மறக்கவாவது மேட்ச்
பாக்கணும்!

* மலிங்கா லங்கா அணிக்கு பந்து வீசுவதை விட மும்பை அணிக்கு மிகவும் உண்மையாக, மிகதீரத்துடன் விவேகமாக பந்து வீசுகிறார்!

* முரளி விஜய்க்கு ரன் அவுட்டுன்னா மிகப்பிரியம் போல ! டுப்ளேவை அவுட்டாக்கிட்டாரு!

* 200 ஓட்டங்களுக்குக் குறைந்தால் மும்பைக்கு எளிய இலக்காகிவிடும்!

* இது போன்ற கூத்துகளுக்கு எதிராக ஆவேச அமைப்புகள் ஏன் ஆர்ப்பாட்டமோ,போராட்டமோ நடத்துவதில்லை?

* 12  ஓவர்குள்ள எடுக்கல்லைன்னா..மும்பைகார் ! நீங்கல்லாம் ஒரு சுப்பர் டீமா?

* தோனிய சநீஸ்வர் ரொம்ப தொந்தரவு பண்றார் போல! அல்லாம் சொதப்புது!













Tuesday, April 3, 2012

பொறாமை எரி எண்ணெய்!

 பொதுவா பொறாமை ஒவ்வொரு மனுஷருக்குள்ளும் ஒளிந்திருக்கும் கண்டிப்பாக!..சிலரிடம் மறைவாக..பலரிடம் வெளிப்படையாக!

கோபமாக, துரோகமாக, யேச்சுகளாக, நக்கல்களாக, வஞ்ச்சப்புகழ்ச்சிகளாக பல்வேறு ரூபங்களில் வெளிப்படும்!

தகுதிகளை ஏற்றுக்கொள்ள, உரிய மரியாதையை தர மறுக்கும்..!

நட்புகளில் நளினமாக இருக்கும் இது ..எதிரிகளிடம் முறுக்கமாகும்!

பிறந்த உறவுகளில் கசியும் ஊதுபத்தியாகவும் ..
புகுந்த உறவுகளில் மெழுகுவத்தியாக ஆரம்பித்து தீப்பந்தமாகும் ...!
தீய்ந்த பந்தமாக்கும்!

 பொறாமை எரி எண்ணெய்!

பெரும்பாலும் தனக்கு மிஞ்சியவரையும்,போட்டியாளரையும் அதிகமாகத்
தாக்கும் இந்தத் தீ ...எளிவரையும் விட்டுவைக்காது!


மிக நுணுக்கமாக ஆராய்ந்து பார்க்கின், மிஞ்சியவரிடம் மனதில் ஏசிக்கொண்டு, வெளியில் காலிடைவால் பைரவராக ஒளிந்து கொள்ளும்!   மோதுவதால்  தனக்கு ஏற்படும் ஆபத்தை எண்ணி குலைத்து விட்டு ஒதுங்கிக் கொள்ளும்!


எளியவரை தனக்கு மிஞ்சாமல் பார்த்துக் கொள்ளும்..!


முழுத்திறனும் கொண்டு மோதி நாசம் விளைவிப்பது ..சகவர்க்கத்தினரையும், தம்மை அடக்குவோரையும், தமக்கு அடங்காதோரையும்! போட்டியாளரையும், தனக்கு உதவியோரையும், கருத்தில்,அழகில்,ஆளுமையில் மாறுபட்டோரையும் கூட விட்டுவைப்பதில்லை!


இது பொதுவாக சோம்பேறிகளின் ஆயுதம் எனலாம்! உழைப்பவரிடமும் இது இருக்கும்..ஆனாலும் அங்கே அது அவனை மேலும் உழைக்கத் தூ ண்டுமே அன்றி யாருக்கும் துரோகம் இழைக்காது!


உழைப்பவனுக்கு லட்சியத்தோடு சற்று பொறாமையும் வேண்டும் !
லட்சியம் இலக்கெனில், பொறாமை எரி எண்ணெய்!


பொறாமையே ஆசைக்கு அடிப்படை! 
ஆசை நம்மை ஊர் சேர்க்கும்!
பேராசை ஆளை அடித்துவிடும்!


உழைப்பெனும் வாகனத்தில் ஏறி 
பொறாமை எனும் எண்ணையை எரித்தால் 
லட்சியம் எனும் இலக்கடையலாம்!





சிலசமயம் கையாலாகாத் தனமும் பொறாமையைத் தரும்!